Yr Ysgol

Yr Ysgol (About the School)

Mae Ysgol Cil-y-Coed yn ysgol 11-18 gymysg boblogaidd. Derbyniodd yr ysgol gyfun ei disgyblion cyntaf yn 1969. Estynnwyd yr ysgol yn 1973/4 i gynnwys Neuadd Chwaraeon a phwll nofio. Mae dros 1500 o ddisgyblion ar y gofrestr. Ni yw dewis cyntaf y mwyafrif o'r disgyblion a'r rhieni yng Nghil-y-Coed a'r ardaloedd cyfagos.

Mae'r ysgol ar gyrion tref Cil-y-Coed mewn 50 acer o dir ac felly'n cynnig lleoliad gwych, sydd yn dawel ac yn saff ac sy'n caniatau'n i'r disgyblion ganolbwyntio ar eu haddysg.
Mae pedwar prif floc dysgu, ystafelloedd gwyddoniaeth, dau adeilad o weithdai technoleg, uned addysg arbennig, dwy gampfa, Neuadd Chwaraeon fawr, cae tyrff astro a phwll nofio.

O ran ei haddysg, mae ysgol Cil-y-Coed yn meithrin parch at eraill, at eiddo ac at yr ysgol, a hynny mewn awyrgylch sy'n hybu arferion da ac sy'n annog balchder disgyblion ynddynt eu hunain ac yn eu campau. Telir sylw i anghenion unigol pob disgybl er mwyn sicrhau fod pob un yn gadael yr ysgol wedi cyrraedd ei botensial.

Mae'r ysgol yn ganolfan addysgol, yn bennaf, yn creu awyrgylch cyfeillgar lle y gall disgyblion weithio eu gorau glas mewn amgylchedd trefnus a chadarnhaol.

Yn ail, mae hi'n ganolfan deuluol. Mae rhieni'n cael eu croesawu yma ac yn cael eu hannog i gyfrannu. Yn olaf, mae'r ysgol yn ganolfan i ddatblygu perthynas fuddiol rhwng pawb yn y gymuned.

Rydym yn anelu at sicrhau amgylchedd dysgu strwythuredig a threfnus, gan roi cyfleodd cyfartal i bob disgybl dyfu mewn awyrgylch sy'n gwerthfawrogi ymdrech a gorchest. Mae'r ystod o ddulliau dysgu ac addysgu a'r berthynas dda sy'n bodoli rhwng pawb yn creu ysgol y dymuna disgyblion fod yn rhan ohoni.

Yn ystod y dydd, mae'r ysgol yn ffodus iawn i allu defnyddio'r cyfleusterau chwaraeon eang sydd ar gael yng Nghanolfan Hamdden Cil-y-Coed. Fe'i defnyddir gan y gymuned fel arall.

Last Edit: 2007-12-19